Ֆրանսիայի նախագահ Էմանուել Մակրոնը BBC-ի հետ հարցազրույցում հայտարարել է, որ չնայած Դոնալդ Թրամփն ու Վլադիմիր Պուտինն իրենցից սպառալիք են ներկայացնում արևմտյան արժեքների, հանդուրժողականության վրա, այդուհանդերձ Եվրոպայի երկրները չպետք է մեկուսացնեն երկու առաջնորդներին միջազգային արենայում, քանի որ դա անարդյունավետ է։
Մակրոնի կարծիքով՝ Արևմուտքը սխալ է գործել՝ մոռանալով իր գաղափարական հիմքերի, ինքնության և արժեքների մասին։ Մակրոնն այդ մասին խոսել է Աբու Դաբիում, որտեղ մասնակցել է Լուվրի տեղական մասնաճյուղի բացման արարողությանը։
Նա վստահ է, որ Ֆրանսիայի դերը կայանում է աշխարհում այդ արժեքների պաշտպանության մեջ։
Երեկ Ռուսաստանի հասցեին քննադատությամբ էր հանդես եկել նաև Մեծ Բրիտանիայի վարչապետ Թերեզա Մեյը՝ ելույթ ունենալով Լոնդոնում լորդ քաղաքապետի պատվին միջոցառման ժամանակ։ Մեյը դիմել էր Պուտինին՝ առաջարկելով նրան ընտրել Ռուսաստանի զարգացման այլ ուղի և դադարել միջամտել արևմտյան երկրների ներքին գործերին, առավել ևս, որ դա անօգուտ է։ Մեյի կարծիքով՝ Պուտինը թերագնահատում է իրենց ժողովրդավարությունների կայունությունը։