Ազգային ժողովն այսօր՝ նոյեմբերի 15-ին, քննարկում է ՀՀ 2018թ. պետական բյուջեի մասին օրենքի նախագիծը:
«Ելք» խմբակցության ղեկավար Նիկոլ Փաշինյանը ֆինանսների նախարարին ներկայացրեց բյուջեի վերաբերյալ իր պնդումները. «2018թ. բյուջեով չեն ավելանում թոշակները, նպաստները, նվազագույն աշխատավարձը, նվազում են առողջապահության, կրթության, սոցիալական ծախսերը, աճում է արտաքին պարտքը: Ընդ որում, դուք հիմա վերցնում եք նույնքան պարտք, որքան կառավարությունը վերցրել է ձեր նկարագրած ցնցումային տարիներին»:
Պատգամավորի խոսքով՝ այս ամենին զուգահեռ գները աճում են, և 2018 թվականը լինելու է ամենամեծ գնաճով տարին վերջին տարիների համեմատ. «Այսինքն՝ աղքատներն ավելի են աղքատանալու, և 2018 թվականին մարդիկ առնվազն 10 տոկոսով ավելի վատ են ապրելու»:
Մինչդեռ սրանց զուգահեռ ավելանում են պետական աշխատողների պարգևատրումները, դրամական խրախուսումները՝ նշեց Նիկոլ Փաշինյանը:
Մանրամասները՝ տեսանյութում: