Լոնդոնի բնակչուհի Էմիլի Սմիթը հրապարակել է սարսափելի այրվածքների լուսանկարները, որոնք ստացել է եթերայուղերի դիֆուզորից, որը պաչուլիի եթերայուղը ցրել է նրա տանը: Ֆիլմ դիտելուց հետո աղջիկը որոշել է անջատել սարքը, բայց երբ մոտեցել է դրան, յուղն ընկել է նրա դեմքին: Սկզբում Էմիլին դրան ուշադրություն չի դարձրել, մինչև մի քանի ժամ անց մաշկը սկսել է այրվել, հայտնում է The Metro-ն:
«Ես այրոց զգացի դեմքիս վրա, բայց քանի որ երբեք այրվածք չէի ստացել և չգիտեի եթերայուղերի վտանգավորության մասին, պարզապես չկարողացա համադրել փաստերը: Երբ դիմանալ արդեն անհնար էր, ես վազեցի լվացվելու, ինչից հետո շտապօգնություն զանգահարեցի»,- պատմում է աղջիկը:
Սակայն օպերատորը մերժել է Էմիլիին օգնության հարցում, քանի որ տուժածի նկարագրությամբ՝ նա առաջի աստիճանի այրվածք է ունեցել, որի համար պրոֆեսիոնալ բուժօգնություն չի պահանջվում: Աղջիկը լսել է օպերատորի խորհուրդը և գնացել է քնելու, բայց առավոտյան ժամը 3-ին արթնացել է և դեմքի ուժեղ ցավ զգացել: Նա ցավազրկող է ընդունել և նորից պառկել է քնելու: Հաջորդ առավոտյան ամեն ինչ ավելի է վատացել:
«Ես նայեցի հայելու մեջ և ինձ չճանաչեցի: Դեմքս և աչքերս այրվածքների մեջ էին, բախտս բերել է, որ ես մինչև հիմա տեսնում եմ»:
