«Չէի ուզենա, որպեսզի կթության և պաշտպանության հարցերը իրար հակադրվեն, չեմ կարծում, որ ՀՀ-ում կգտնվի մեկը, ով մտահոգված չէ պաշտպանական հարցերով։ Իրականում, ճիշտ մոտեցման պարագայում դրանք իրար լրացնող հարցեր են»։
Այդ մասին «Առաջին լրատվական»-ի հետ զրույցում ասաց Հովհ. Թումանյանի անվան տիկնիկային թատրոնի տնօրեն Ռուբեն Բաբայանը՝ հավելելով, որ Ապրիլյան պատերազմը շատ լուրջ վերլուծությունների առիթ է հանդիսացել։
«Դժվար է ասել՝ այդ վերլուծությունները գերտեսչությունների մակարդակում տեղի են ունեցել, թե չէ, բայց ինձ համար պարզ է մի բան, որ բանակը այն վիճակում, որում պատերազմական օրերին էր և այսօր էլ կա, պահանջ ունի կտրուկ բարեփոխման, վերանայման։ Այնպես է ստացվել, որ այն սկզբունքը, որով կառուցվել է և մինչև այսօր կառուցվում է, տանում է մեզ դեպի փակուղի։ Մենք հիմնականում շարունակում ենք մնալ որպես սովետական բանակ, որի հիմնական գործոնը եղել է կանգ չառնել մարդկային զոհերի առաջ, և քանակով, մարդկային կյանքով հարցեր լուծել։ Սա անընդունելի է․ 20-րդ դարի երկրորդ կեսը, 21-րդ դարը թելադրում են ուրիշ մոտեցումներ»,- շեշտեց նա։
Ռուբեն Բաբայանի դիտարկմամբ՝ մեր բանակը պետք է դառնա ինտելեկտուալ բանակ, պետք ունենանք ոչ թե Ազգ-բանակ, այլ բանակ-պետություն։ Ըստ նրա՝ եթե այդպիսի բանակ չունենանք՝ դատապարտված ենք պարտվելու։
Մանրամասները՝ տեսանյութում։