Լուրեր
Մեր անվտանգությանը սպառնացող ավելի լուրջ խնդիրներ կան, քան 140 ասպիրանտին բանակ զորակոչելը

«Ես ցավում եմ, որ Զինվորական ծառայության մասին օրենքի նախագծի քննարկումները կանգ առան միայն տարկետման իրավունքի վերացման վրա։ Սա շատ լավ առիթ կարող էր հանդիսանալ քննարկելու կրթական ոլորտում տեղի ունեցող զարգացումները»,- «Առաջին լրատվական»-ի հետ զրույցում ասաց ԵՊՀ հոգեբանության ամբիոնի դասախոս Դավիթ Ամիրյանը։

Նրա խոսքերով՝ շատ լավ առիթ էր հասկանալու՝ մենք ցանկանում ենք ունենալ զարգացած գիտություն, կրթական համակարգ, թե մենք ունենում ենք միլիտարիզացված հասարակություն և պետություն։ «Ես կարծում եմ՝ այս քննարկումները և կոչերը՝ երիտասարդներին չքաղաքականացնել, շեղում է իրական թեման, քննարկումը, որի ժամանակ պետք է մենք խոսեինք կրթության բյուջեից, բուհերի, ուսխորհուրդների ապակուսակցականացումից, բուհերի որակի ապահովվածությունից և այլ խնդիրներից։ Տարկետումը պետք է առիթ հանդիսանար ավելի լայն նայելու մեր կրթության և գիտության ոլորտին ու որակին»,- ասաց Ամիրյանը։

Նրա խոսքերով՝ այս քննարկումների ժամանակ պետք է պարզ դառնար՝ մեր անվտանգությունը կայանում է զարգացած հասարակությամբ, որակյալ կրթական պայմաններով, թե՞ բոլորին բանակ զորակոչելով և ստիպելով, որ երկու տարի ծառայեն։ «Իմ խորին համոզմամբ՝ մեր անվտանգությանը սպառնացող ավելի լուրջ խնդիրներ կան։ Ապրիլյան պատերազմը ցույց տվեց, որ մեր անվտանգությանը սպառնացող ամենամեծ վտանգը դա կոռուպցիան է։ Իսկ հիմա մենք շեղվել ենք թեմայից և կանգնել 140 ասպիրանտին բանակ զորակոչելու խնդրի առաջ»,- ասաց դասախոսը։

Ամիրյանը դասադուլի օրերին իր ուսանողներին ոչ մի կոչ չի արել, բայց իր դասավանդման ամբողջ պրակտիկայում իր ուսանողներին կոչ է արել, սովորեցրել է ազատ լինել, ազատ մտածել։,

 

Առավել մանրամասն՝ տեսանյութում։

  • Դիտումներ՝ *