Մարզահագուստ արտադրող ամերիկյան Nike ընկերությունը ներկայացրել է Midnight Fog Apple Watch Series 3 «խելացի» ժամացույցների սահմանափակ թողարկում՝ LTE-մոդուլով, որը հարմարեցված է հատուկ սպորտային պարապմունքների համար։ Այս մասին հայտնում է The Verge պարբերականը։
Նորույթը, որը մշակվել է հատուկ Apple-ի ակտիվ երկրպագուների համար, նախատեսվում է օգտագործել թողարկման պատրաստվող Air VaporMax մարզակոշիկների հետ։ Ժամացույցը կստանա աթլետներին համապատասխանող գոտի, կբարելավվի նաև «միջուկը»՝ մարզիկների համար օգտակար գործառույթներով։
Apple Watch-ի նոր տարբերակը հնարավոր կլինի ձեռք բերել արդեն նոյեմբերի 14-ից՝ 399 դոլարով, ընկերության կայքում։
