Իրանը երկրաշարժի հետևանքների վերացման գործում օգնության համար չի դիմել Թուրքիային: Այս մասին հայտնում է Trend-ը՝ վկայակոչելով Թուրքիայի առողջապահության նախարարության հաղորդագրությունը:
Նշվում է, որ Իրանի և Իրաքի սահմանին տեղի ունեցած երկրաշարժից հետո Թուրքիան հայտարարել է բոլոր տուժած երկրներին անհրաժեշտ աջակցություն ցուցաբերելու պատրաստակամության մասին:
Այսօր Թուրքիայի ԱԳՆ-ը նաև տեղեկություն է տարածել, որում ասվում է, որ Անկարան պատրաստ է եղբայրական իրանցի ժողովրդին օգնություն ցուցաբերել երկրաշարժի հետևանքների վերացման գործում:
Նախօրեին երեկոյան Իրանի և Իրաքի սահմանին տեղի ունեցած երկրաշարժի զոհերի թիվը, վերջին տվյալներով, հասել է 328-ի, ավելի քան 2 500 մարդ է տուժել:
Իրանի Քերմանշահ նահանգում եռօրյա սուգ է հայտարարվել:
