Առաջին համահայկական գիտական համաժողովը տեղի է ունեցել նախորդ տարի, որը նվիրված էր Անկախության 25-ամյակին, և որին հրավիրված էին 15 հայ նշանավոր գիտնականներ։ Տեղի ունեցած միջոցառումների արդյունքում մի շարք արդյունքներ գրանցվեցին. մասնավորապես, ստեղծվեց սփյուռքահայ գիտնականների ասոցիացիա, որն այս մեկ տարվա ընթացքում բավական մեծ գործ է հասցրել անել։
Այդ մասին «Առաջին լրատվական»-ի հետ զրույցում նշեց Գիտությունների ազգային ակադեմիայի երիտասարդ գիտնականների խորհրդի նախագահ Գևորգ Վարդանյանը։
Նրա խոսքերով՝ Հայաստանի երիտասարդ գիտնականները այցելել են արտասահմանում նշանավոր հայ գիտնականների լաբորատորիաներ, որտեղ 1-6-ամսյա վերապատրաստումներ են անցել. «Այնպիսի գիտական ուղղություններ, ինչպիսիք են համակարգչային գիտությունը, կենսաինֆորմատիկան, որոնք Հայաստանում նոր-նոր են զարգանում, իսկ ԱՄՆ-ում և Եվրոպայի մի քանի երկրներում դրանք բավականին զարգացած են։ Այդ լաբորատորիաները հագեցած են արդի սարքավորումներով, մեր երիտասարդները կարողացան օգտվել այդ սարքավորումներին, ձեռք բերեցին նոր գիտելիքներ։ Հիմա այդ երիտասարդները վերադարձել են Հայաստան և իրենց լաբորատորիաներն են հիմնում Հայաստանում։ Ընդ որում՝ ֆինանսավորումը ստանում են դրսից։ Դրանով մենք փորձում ենք, ինչ-որ ձևով կանխել ուղեղների արտահոսքը»,- ասաց նա։
Հարցազրույցն ամբողջությամբ՝ տեսանյութում:
