ԵՄ-ն 2019 թվականին հարաբերությունների նոր ռազմավարություն կընդունի Կենտրոնական Ասիայի հետ, անվտանգության խնդիրը կզբաղեցնի գլխավոր տեղերից մեկը, լրագրողներին հայտնել է ԵՄ դիվանագիտության ղեկավար, Եվրահանձնաժողովի փոխնախագահ Ֆեդերիկա Մոգերինին, փոխանցում է RIA Novosti-ն։
Ուրբաթ Սամարկանդում (Ուզբեկստան) կայացել է «ԵՄ-Կենտրոնական Ասիա» 13-րդ ամենամյա նախարարական հանդիպումը։ Մոգերինիի և Ղազախստանի, Ղրղըզստանի, Տաջիկստանի, Թուրքմենստանի և Ուզբեկստանի ԱԳ նախարարների հանդիպմանը դիտարկվել են ԵՄ-ի և տարածաշրջանի երկրների համագործակցության հարցերը։
Եվրահանձնաժողովի փոխնախագահը հայտնել է, որ կողմերը սկսել են մշակել համագործակցության ուղղությունները՝ սկսած անվտանգության թեմայից, մասնավորապես արմատականացման խնդրից ու Աֆղանստանում տիրող իրավիճակից։ Նրա խոսքով՝ նոր ռազմավարության ուղղությունները ներառում են նաև անօրինական միգրացիայի հակազդումն ու առևտրա-տնտեսական համագործակցության ընդլայնումը։
