«Փոխզիջումներ ասվածը ինքնին ենթադրում է, որ կարող են լինել երկու կողմերին հավասարապես անընդունելի լուծումներ: Արցախը երբևէ չի կարող լինել Ադրբեջանի կազմում. դա բացառվում է և միանշանակ բոլոր արցախցիների կամքն է: Երբևէ մենք վերադարձ չունենք ստրկական այն իրավիճակին, ինչ եղել է 70 տարի շարունակ»,- անդրադառնալով ՀՀ նախագահ Սերժ Սարգսյանի վերջին հայտարարությանը՝ ցավոտ լուծումների մասին, ասաց ԼՂՀ ԱԺ պատգամավոր Արզիկ Մխիթարյանը:
Նրա խոսքով՝ և հայկական, և ադրբեջանական կողմը ունեն իրենց պատկերացումները տարածքների փոխզիջման վերաբերյալ. «Մենք ևս ունենք տարածքներ, որոնք մնացել են Ադրբեջանի կազմում, և սկզբունքն այն է, որ պահպանվի արցախցու անվտանգությունը»:
ԼՂՀ ԱԺ պատգամավորի կարծիքով՝ ռուսական թևը, այնուամենայնիվ, պետք է որ բարենպաստ վերաբերմունք ունենա Արցախյան խնդրի նկատմամբ:
Մանրամասները՝ տեսանյութում:
