Առաջին հետախուզադիվերսիոն ջոկատի հրամանատար, ազատամարտիկ Վովա Վարդանովը կողմ է «Զինվորական ծառայության և զինծառայողի կարգավիճակի մասին» օրինագծին։ Ըստ նրա՝ կան մեխանիզմներ՝ «Պատիվ ունեմ» ծրագրով, որոնք տարկետման փոխարեն հնարավորություն են տալիս ուսանողներին շարունակել ուսումը, հետագայում ստանալ նաև գիտական աստիճան, բայց շաբաթական մեկ օր պետք է տրամադրեն ռազմական գործ ուսանելուն։ Ըստ նրա՝ ճիշտ է պահեստազորի սպաներ ունենալը։
«Քանի օրինակով կարելի է ասել, որ տղամարդը առաջին հերթին պիտի տղամարդ լինի, հետո նոր գիտնական, մարմինդ պաշտպանի, հետո համաշխարհային գիտությանը օգուտ տուր։ Լավ, ասենք թե դարձար մեծ գիտնական, դրա հետ մեկտեղ քո պարտքը չպիտի՞ տաս»,- շեշտեց նա։
Ըստ նրա՝ հայկական բանակի ուսադիրներ կրելը պետք է դառնա պատվավոր, աղջիկներն այնպիսի տղաների պիտի ընտրեն, որոնք ծառայել են և ինչու չէ՝ աղջիկներն էլ պիտի խորացնեն ռազմական գիտելիքները․ մենք փաստացի պատերազմի մեջ ենք, ինչ վերաբերում է պաշտոնյաների զավակներին, ապա ազատամարտիկը նշեց․
«Էդ տղաները, ովքեր, որ տարբեր տաքուկ տեղերով սողանքներով կօգտվեն, իրենց հետ աղջիկները չցանկանան փողոցով քայլեն, ասեն՝ դու ով ես, շատ բան կփոխվի նաև էդ տղամարդկանց մոտ, որոնք փաստացի տղամարդ չեն, ու իրենց ոչ տղամարդ լինելը թաքցնում են հաստավիզ ախրանիկներով կամ, ասենք, պապաների փողերով»,- շեշտեց նա։
Մանրամասները՝ տեսանյութում։