Իրանի նախագահ Հասան Ռուհանին պահանջել է Սաուդյան Արաբիայից հրաժարվել հակաիրանական քաղաքականությունից, ինչպես նաև հայտարարել, որ Էր-Ռիադի հրթիռակոծումը հութիների կողմից դարձել է ինքնապաշտպանական ռեակցիա, փոխանցում է Newsru.co.il-ը։
«Մեր տարածաշրջանի երկրները պետք է օգնեն միմյանց։ Դուք մեծ սխալ եք գործում՝ հանուն Իսրայելի և ԱՄՆ-ի հրաժարվելով մեր բարեկամությունից։ Դա ռազմավարական սխալ հաշվարկ է»,-հայտարարել է Իրանի նախագահը։
Քաղաքական գործչի խոսքով՝ մինչդեռ Իրանը պայքարում է ահաբեկիչների դեմ Իրաքում և Սիրիայում, ԱՄՆ-ն ու Իսրայելը թալանում են այդ երկրի բնական հարստությունները։ «Նրանք տանում են Ձեր նավթը, փոխարենը տալիս զենք, որ մարդիկ սպանեն միմյանց»,-ասել է Ռուհանին։
Ի պատասխան Սաուդյան Արաբիայի գահաժառանգ արքայազն Մուհամմադ բին Սալմանի հայտարարության, թե թագավորությունն իրեն իրավունք է վերապահում պատասխանելու իրանական ագրեսիային, Ռուհանին հայտարարել է, որ ոչ ոքի խորհուրդ չի տալիս ստիպելու Իրանին ցուցադրել իր ողջ հզորությունը։