Դիլիջանի ոլորաններում «Opel Astra» և MAN մակնիշի ավտոմեքենաների բախման հետևանքով քաղաքացի է զոհվել։ Այս մասին տեղեկացնում է ՀՀ արտակարգ իրավիճակների նախարարության պաշտոնական կայքից։
Հաղորդագրության մեջ նշված է. «Նոյեմբերի 7-ին, ժամը 15:42-ին ահազանգ է ստացվել, որ Դիլիջանի ոլորաններում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-4 ավտոճանապարհի Դիլիջան-Իջևան ավտոճանապարհի 1 կմ-ին իրար են բախվել «Opel Astra» մակնիշի 34 LT 667 (վարորդ՝ 1977 թ. ծնված Վ. Մ.) և «MAN» մակնիշի K387 UT 163 (վարորդ՝ 1967 թ. ծնված Ա. Ե.) պետհամարանիշերով ավտոմեքենաները:
Մինչ փրկարարների կանչի վայր հասնելը «Opel Astra» մակնիշի ավտոմեքենայից տեղի ուժերով դուրս են բերվել Վ. Մ.-ը և 2 քաղաքացի, ովքեր շտապօգնության ավտոմեքենայով հոսպիտալացվել են Դիլիջանի ԲԿ, որտեղ բժիշկները տուժածների առողջական վիճակը գնահատել են բավարար, իսկ ուղևորներից մեկը հիվանդանոցում մահացել է:
Փրկարարները հոսանքազրկել և փակել են «Opel Astra» մակնիշի ավտոմեքենայի գազի բալոնի փականը:
Կտրվի լրացուցիչ տեղեկություն»: