Լիբանանում գործող ամենաազդեցիկ ուժերից մեկը` «Հզբոլլահը», Սաուդյան Արաբիայի իշխանություններին մեղադրել է երկրի վարչապետ Սաադ Հարիրիին հրաժարականի դրդելու համար: Այս մասին նա հայտարարել է «Հզբոլլահի» անդամների և ակտիվիստների առաջ ելույթի ժամանակ:
«Պարզից էլ պարզ է, որ Հարիրիի հրաժարականի նախաձեռնողը Էր-Ռիյադն էր»,- կիրակի հայտարարել է «Հզբոլլահի» առաջնորդ Հասան Նասրալլան: «Հարիրին հրաժարական տալու մտադրություն չուներ: Ես համոզված եմ, որ այդ որոշումը Լիբանանի վարչապետինը չէր», – ասել է Նասրալլան:
Սաադ Հարիրին իր հրաժարականի մասին հայտարարել է շաբաթ օրը:
«Մենք ապրում ենք մի մթնոլորտում, որ նման է Ռաֆիկ Հարիրիի սպանությանը նախորդածին: Ես նկատել եմ, որ գաղտնի նախապատրաստվում է նաև իմ դեմ մահափորձը»,- հայտարարել է նա:
Հարիրին մեղադրել է նաև «Հըզբոլլահ» շիա շարժմանը և Իրանին «արաբական աշխարհը քանդելու» փորձի մեջ: Նա խոստացել է, որ «արաբական աշխարհը, ինչպես նախկինում, ոտքի կկանգնի և կկտրի Իրանի ձեռքերը»:
