«Երևանյան Հեռանկարներ» փառատոնի շրջանակներում հոկտեմբերի 7-ին հանդես եկավ քառակի Գրեմմի դափնեկիր սոպրանո Ռենե Ֆլեմինգը: Նոյեմբերի 11-ին փառատոնը կներկայացնի դասական երաժշտության մեկ այլ գերաստղի` 9 անգամ «Գրեմմի» ստացած Էմերսոն լարային քառյակին:
Նյու Յորքում հիմնադրված խումբը, շուրջ հինգ տասնամյակ համարվում է կատարելության խորհրդանիշ և կամերային երաժշտության լավագույն մեկնաբանող: Սա Էմերսոնի առաջին այցն է այս աշխարհամաս: Տարին կեզրափակվի մեր օրերի ականավոր դաշնակահար Եվգենի Կիսինի մենահամերգով: Հետաքրքրական է, որ Ռենե Ֆլեմինգը և Էմէրսոն լարային քառյակը միասին հանդես են եկել Լիրիկական Սյուիտ-սիրո պատմություն նախագծով, իսկ հաջորդ տարվա սկզբին արդեն հայտնի են Եվգենի Կիսինի և Էմէրսոն քառյակի համատեղ ելույթների օրերը` Եվրոպական քաղաքներում:
Փառատոնի գործունեությունը դարձրեց Երևանը սիրելի և ընդունելի վայր երաժշտական աշխարհի ամենահեղինակավոր երաժիշտների համար, ինչը իր բարերար ազդեցությունը թողեց մեր երկրի մշակութային, կրթական, արտաքին դիվանագիտական, հասարակական և այլ ոլորտների վրա: