ԱՄՆ-ը նպատակաուղղված խոչընդոտում է միջազգային նախագծում Իրանի մասնակցությանը, որն ուղղված է Ֆրանսիայում առաջին փորձնական ջերմամիջուկային ռեակտորի (ITER) ստեղծմանը։ Այս մասին հայտնում է Science-ը։
«Մեր համագործակցությունը ITER-ի հետ ակտիվորեն զարգացել է պատժամիջոցների հանման պահից մինչ այն պահը, երբ ԱՄՆ նախագահ է դարձել Դոնալդ Թրամփը։ ԱՄՆ-ի կողմից այդ ոչ բարեկամական քայլը հանդիսանում է միջուկային գործարքի պայմանների ուղիղ խախտում, և եթե Վաշինգտոնն առաջարկի վերանայել այն, մենք կհրաժարվենք ներքաշվել կրկնակի բանակցություններում»,-հայտարարել է Իրանի ատոմային էներգիայի կազմակերպության ղեկավար Ալի Աքբար Սալեհին։
Միջազգային նախագիծն իրականացվում է ԵՄ-ի, Ռուսաստանի, Չինաստանի, Հնդկաստանի, Ճապոնիայի, Հարավային Կորեայի և ԱՄՆ-ի կողմից։ Այն կդառնա առաջին լայնածավալ փորձը՝ ստանալու էլեկտրաէներգիա ջերմամիջուկային ռեակցիաներից, ինչպիսիք տեղի են ունենում արևի վրա։ Հաջողության դեպքում այն մարդկությանը կտա ջերմության և լույսի անսպառ աղբյուր։