Իրանը դատապարտել է Մանհեթենում տեղի ունեցած ահաբեկչությունը։ Միևնույն ժամանակ պաշտոնական Թեհրանը հայտարարել է, որ հենց ԱՄՆ-ը և նրա դաշնակիցներն են պատասխանատվություն կրում այնպիսի ահաբեկչական խմբավորումների ի հայտ գալու համար, ինչպիսին ԴԱԻՇ-ն է։
«Փողոցներում և հասարակական վայրերում անմեղ, անզեն քաղաքացիների սպանության մարտավարությունը ցույց է տալիս ահաբեկիչների անմարդկայնությունը դաժանությունն ու անգթությունը։ Նրանք զուրկ են մարդկությունից»,-հայտարարել է Իրանի ԱԳՆ մամլո քարտուղար Բահրամ Ղասեմին։
Ահաբեկչության հետևանքով զոհվել է 8 մարդ, ևս 11-ը վիրավորվել են։ Նշվում է, որ զոհերից 5-ը եղել են արգենտինացի զբոսաշրջիկներ։