Ավելի քան 90 ամերիկացի առաջատար գիտնական նամակ է գրել ԱՄՆ Կոնգրեսին՝ կոչ անելով պաշտպանել Իրանի հետ 2015 թ. միջուկային համաձայնագիրը, հայտնում է Tehran Times-ը:
Նամակում մասնավորապես ասվում է.
«Մեծ Բրիտանիայի, Ֆրանսիայի, Գերմանիայի, ԵՄ-ի և Իրանի վերջին հայտարարություններն օգնում են հասկանալ, որ Գործողությունների համատեղ համակողմանի ծրագրի կրնակի քննարկումն անիրատեսական առաջադրանք է: Քանի որ համաձայնագիրը ենթադրում է խիստ սահմանափակումներ և Իրանի միջուկային ծրագրի ստուգման հուսալի մեխանիզմ է ստեղծում, Կոնգրեսը պետք է այնպես գործի, որ երաշխավորի, որ ԱՄՆ-ը այդ համաձայնագրի մաս կմնա: Բացի համաձայնագրի գործողության շարունակության ապահովումից՝ դա ԱՄՆ-ին հնարավորություն կտա ազդել դրա իրագործման վրա, ներառայլ՝ Համատեղ հանձնաժողովում իր դիրքի միջոցով ստուգումները ռազմական օբյեկտներում:
Համաձայնագիրը չի տարածվում Իրանի ոչմիջուկային գործունեության վրա: Այդպիսի ցանկացած խնդիր կարող է առանձին քննարկվել: Օրինակ՝ վերջին հաղորդագրությունները վկայում են, որ Իրանը կարող է բաց լինել իրանական հրթիռային ծրագրի վերաբերյալ փոխադարձ հարգալից բանակցությունների համար: Մենք ձեզ խորհուրդ ենք տալիս, որ ԱՄՆ-ը օգտվի այդ պոտենցիալ հնարավորությունից»: