Վերջին շրջանում Քիմ Քարդաշյանի բախտն այնքան էլ չի բերում։ Նույնիսկ իր ծննդյան օրը ռեալիթի շոուի աստղը չի կարողացել տոնել այնպես, ինչպես ինքն է ցանկացել։ 37-ամյակի առիթով Քիմը սրահ էր վարձակալել Լոս Անջելեսում հայկական խոհանոցով ռեստորանում և պատվիրել հիասքանչ տորթ։ Սակայն ծնունդից մեկ շաբաթ առաջ նա ցնցում է ապրել, որը փչացրել է նրա տրամադրությունը։
Նրա տան տարածք էին ներխուժել չարագործները, կոտրել տան մոտ կանգնած երկու մեքենաներն ու գողացել այնտեղից ամեն ինչ։ Անվտանգության աշխատակիցները խոչընդոտել էին նրանց՝ տուն ներթափանցելուն։
Այդ միջադեպի պատճառով աղմկոտ երեկոն չեղարկվել էր, որոշվել էր նույն ռեստորանում հանգիստ երեկույթ անցկացնել, սակայն դա էլ չէր հաջողվել։ Ճանապարհին Քիմը վիճել էր ամուսնու հետ։ Նա պահանջել էր անվտագության ուժեղացում, իսկ Քանյեն հրաժարվել էր վիթխարի գումար ներդնել անիմաստության մեջ։ Նշվում է, որ ռեստորանում նրանք եղել են անտրամադիր, միմյանց չեն նայել։