Նկարիչների միության նախագահ Կարեն Աղամյանն «Առաջին լրատվական»-ի հետ զրույցում նշեց, որ վերջին տասնամյակներում միությունում կազմակերպված ցուցահանդեսներից նկար չի վաճառվել. «Ունակ մարդը, հարուստ մարդը միայն կարող է նկար առնել: Օլիգարխները, իհարկե, գնում են նկարներ, բայց նրանք ձգտում են գնել անվանի նկարիչների կտավներ, բայց նոր ստեղծագործողի գործերին գրեթե ուշադրություն չի դարձվում»:
Նրա խոսքով՝ Սարյանը կարողացել է դառնալ Սարյան, քանի որ ունեցել են համապատասխան պայմաններ: «Դրա համար քառորդ դար՝ անկախության ընթացքում, մենք չենք ծնել Սարյաններ, Խաչատրյաններ, և սա պատահական չէ: Ես կարծում եմ, որ դա է պատճառը: Կարծում եք՝ հայ ազգը այլևս սկսել է չծնե՞լ հանճարներ»,- ասաց նա՝ հավելելով, որ համապատասխան սերմը պետք է համապատասխան հողի վրա ընկնի:
Ամբողջությամբ՝ տեսանյութում: