Իրանի և Վիետնամի բարեկամության խմբի ղեկավարը Հանոյում իր գտնվելու վերջին օրն ասել է, որ Իրանի միջուկային գործարքին ԱՄՆ-ի հավատարմության բացակայությունն ԱՄՆ-ը մեկուսացրել է համաձայնագիրը ստորագրած մյուս կողմերից: Այս մասին հայտնում է IRNA-ն:
Գործողությունների համատեղ համակողմանի ծրագրի մասին հարցին պատասխանելով՝ Ալաեդդին Բորուջերդին ասել է. «Մենք հետևում ենք երկրների կողմից գործարքի համաձայն իրենց պարտավորությունների կատարմանը: Իրանը դրան կհետևի կոմիտեի միջոցով, որին հանձնարարված է հետևել Գործողությունների համատեղ համակողմանի ծրագրի իրականացմանը, և համապատասխան կերպով կարձագանքնենք»:
Նա հավելել է, որ ԱՄՆ-ի դուրս գալը գործարքից այն անկայուն կդարձնի, և Իրանի արձագանքը դրան հիմնված կլինի ԱՄՆ-ի արձագանքի և Իրանի բարձրաստիճան պաշտոնատար անձանց որոշումների վրա:
Բորուջերդին հավելել է, որ համաձայնագիրը միջազգային գործարք է, ու եթե գործարքը տապալվի, դա կազդի այն ստորագրած կողմերի վրա:
Նա նաև ասել է, որ գործարքի բոլոր կողմերը հավատարիմ են դրան՝ բացի ԱՄՆ-ից:
