Իսրայելը պատաստ է ուժ կիրառել Իրանի նկատմամբ՝ խոչընդոտելու Թեհրանի կողմից միջուկային զենքի ձեռքբերմանը։ Այս մասին հայտարարել է տրանսպորտի և հետախուզության հարցերով նախարար Իսրայել Կացը, ով ներկայում պաշտոնական այցով գտնվում է Ճապոնիայում։
Բացի այդ, իսրայելցի նախարարն աջակցություն է արտահայտել ԱՄՆ նախագահ Դոնալդ Թրամփի՝ Թեհրանի հանդեպ նոր ռազմավարությանը։
«Եթե նախագահ Թրամփի կողմից ձեռնարկված միջազգային ջանքերը չօգնեն դադարեցնելու Իրանի՝ միջուկային ներուժի հասնելը, Իսրայելը պատրաստ կլինի ռազմական ուժ կիրառել։ Կարելի է փոփոխություններ մտցնել (համաձայնագրում), որպեսզի նրանք միջուկային զենքի տնօրինման հնարավորություն երբեք չունենան»,-եզրափակել է Կացը։
