Հոկտեմբերի 16-ին Ժնևում Հայաստանի և Ադրբեջանի նախագահների հանդիպումը և բանակցային ճանապարհով ԼՂ հակամարտության խաղաղ կարգավորման հասնելու համար ԵԱՀԿ Մինսկի խմբի հետ կառուցողական աշխատանքի նրանց պատրաստակամությունը լավ նշան է: Այդ մասին հայտարարել է ԵԱՀԿ ՄԽ ամերիկացի համանախագահ Էնդրյու Շեֆերը հայկական ԶԼՄ-ների հետ զրույցում։
«ԱՄՆ-ը՝ որպես համանախագահող երկիր, հավատարիմ է Մինսկի գործընթացին և շարունակում է հորդորել կողմերին՝ հարգելու հրադադարի ռեժիմը և ամենաբարձր մակարդակով շարունակելու բանակցությունները՝ քայլեր ձեռնարկելով ավելի վաղ, այդ թվում Վիեննայում և Սանկտ Պետերբուրգում ձեռք բերված որոշումների լիարժեք իրագործման համար: Համանախագահներն աշխատում են Հայաստանի ու Ադրբեջանի ԱԳ նախարարների հետ՝ հաջորդ հանդիպման ժամկետը հստակեցնելու համար, որը սպասվում է առաջիկա շաբաթներին»,-ասել է դիվանագետը:
