Samsung ընկերության իրավաբանները հերթական անգամ հասել են փոխհատուցման գումարի վերանայման, որը հարավկորեական արտադրողը պետք է վճարի Apple-ին սմարթֆոնների դիզայնի մի քանի պատենտների խախտման համար: Այս մասին հայտնում է CNet-ը:
Տեխնոլոգիական հսկաների միջև պատենտների վեճն ընթանում է 2011 թվականից: 2012 թ. ԱՄՆ Դաշնային Վերաքննիչ դատարանը վճռել էր 930 մլն դոլար գանձել Samsung-ից, սակայն հետագայում ընկերության իրավաբաններին հաջողվեց գումարը նվազեցնել մինչև 399 մլն դոլար:
Հետագա դատավարությունների ընթացքում փոխհատուցման չափը կրճատվեց մինչև 339 մլն դոլար, սակայն այդ արդյունքն էլ չբավարարեց կորեացիներին, ինչից հետո նրանք դիմեցին Կալիֆոռնիայի հյուսիսային մարզի Դաշնային շրջանային դատարան:
Նոր բողոքարկման գործի քննարկումը նշանակված է 2017 թ. հոկտեմբերի 25-ին:
