Թուրքիայի իշխանությունները մտադիր են թարմացնել օրենսդրական բազան զբոսաշրջության ոլորտում, քանի որ գործող օրենքներն արդեն երկար տարիներ չեն համապատասխանում զբոսաշրջային հոսքերի ծավալներին։ Այս մասին հայտարարել է OTI միջազգային հոլդինգի տնօրենների խորհրդի նախագահ Այհան Բեքթաշը։
Նրա խոսքով՝ Թուրքիայում զբոսաշրջության ոլորտը գործում է օրենքների հիման վրա, որոնք ընդունվել են դեռևս ХХ դարի 70-ական թթ և որոնք չեն համապատասխանում ժամանակակից իրողություններին։ Այն ժամանակ զբոսաշրջիկների թիվը նույնիսկ չի հասել 1 միլիոնի, իսկ այսօր խոսքը գնում է տարեկան 40-50 մլն զբոսաշրջիկի ընդունման պլանների մասին։
Բեքթաշը նշել է, որ նոր օրենքները կանդրադառնան զբոսաշրջային բիզնեսի ամենատարբեր ճյուղերի վրա։ Դրանց շնորհիվ կառուցվածքը կդառնա ավելի կայուն և հուսալի։
«Հարկավոր են օրենքներ, որոնք կապված կլինեն ներդրումների, զբոսաշրջանյին օպերատորների, զբոսաշրջային գործակալությունների, զբոսաշրջության աջակցման և այլնի հետ։ Այդ փոփոխությունները տեղի կունենան քաղաքացիական հասարակության մասնակցությամբ՝ կառավարության հետ համագործակցությամբ»,-ասել է նա։
