Ընտանեկան բռնության օրենքի ընդունումը կնպաստի մանկավաճառությանը, օրգանների վաճառքին: Այդ մասին «Առաջին լրատվական»-ի հետ զրույցում ասաց կրոնագետ, աստվածաբան Վարդան Խաչատրյանը: Նա կտրականապես դեմ է Արդարադատության նախարարության կողմից շրջանառվող նախագծին:
«Մեր նման երկրներում, որտեղ դեռևս թույլ է զարգացած պետական ինստիտուտների ոչ կոռուպցիոն լինելը, դա շատ լուրջ վտանգներ, ռիսկեր է պարունակում՝ ընդհուպ մինչև շուկաների առաջացման: Այդպես նույնիսկ մանկավաճառության շուկաներ ունեն առաջացած: Նախագծի օրենք դառնալը հանգեցնելու է նոր դաշտի ձևավորման, որի կոռուպցիոն բաղադրիչն ավելի բարձր է լինելու, քան մնացած հաստատություններինը՝ հենց նույն իրավական: Մանուկներին ընտանիքների օտարումից, որբանոցներ, ապաստարաններ տեղափոխելուց կարող է այդպիսի սխեմա առաջանալ»,- շեշտեց նա:
Վարդան Խաչատրյանի կարծիքով՝ մենք պատմության ընթացքում կարողացել ենք փրկվել ընտանիքների շնորհիվ՝ ո՛չ եկեղեցին, ո՛չ մշակույթը, ո՛չ էլ քաղաքականությունը մեզ չեն փրկել, իսկ հիմա սոցիալական, աշխատողներով, ձևավորվող խորհրդով , հարաբերական ձևակերպումներով վտանգում ենք ընտանիք հասկացության վերաբերյալ ազգային մոտեցումը, առանց այն էլ հայկական ընտանիքները քայքայվում են, լուրջ վնասներ են կրել՝ մշակույթի մեխանիկական անկման, արտագաղթի հետևանքով:
«Մի հատ էլ հիմա միջամտել գերզգայուն դատին այսպիսի վիրաբուժական միջամտությամբ, որ մտնում է ինչ-որ մարդկանց բազմությամբ, խորհրդով, որտեղից են լինելու այսպես ասած դատավորների բազմությունը: Դուք համարում եք, որ մենք ի վիճակի ենք շրջանցել այն ամենը, ինչը գոյություն ունի մեզանում որպես կոռուպցիոն ռիսկեր, երիցս՝ ոչ: Հասարակության կենդանի, ողջ մարմնի վրա վիրաբուժական միջամտություն է: Էդ վիրաբուժական միջամտությունը արդյո՞ք պետք է անել, արդյո՞ք էսօրվա ռեսուրսը օրգանիզմին բավարարում է այդպիսի փորձության տանելուն: Հայրս հայտնի վիրաբույժ էր, միշտ ասում էր՝ երբ որ նշտարը ձեռքդ ես վերցնում, առաջին բանը, որ պիտի հիշես այն է, որ կարող է լավ վիրահատություն անես, բայց միշտ պետք է հաշվարկես՝ էդ օրգանիզմը ռեսուրս ունի ապաքինվելու՝ անգամ ամենալավ վիրաբուժական միջամտությունից հետո: Երբ որ խոսում ենք Հայաստանի մասին, չմոռանանք, որ նրա քանակական անկման աստիճանը, մեղմ ասած, վտանգավոր եզրագծի վրա է՝ խզման կետին մոտ: Արդյոք այսպիսի վիրաբուժական միջամտությունը նպաստելու է նրա կայունացմանը, ուրիշ չափորոշիչ վերցնելու իրավունք այսօր չունենք»,- շեշտեց նա:
Մանրամասները՝ տեսանյութում: