Իրանը և Թուրքիան պետք է բոլոր հնարավորություններն օգտագործեն հարաբերությունների ընդլայնման նպատակաով: IRNA-ի հաղորդմամբ՝ այս մասին հայտարարել է Իրանի առաջին փոխնախագահ Իսհակ Ջահանգիրին:
«Իրանը և Թուրքիան որպես տարածաշրջանի երկու մեծ երկրներ լայն ներուժ ունեն համատեղ կապերի ամրապնդման և զարգացման համար»,- նշել է Ջահանգիրին:
«Իրանը և Թուրքիան պետք է բոլոր հնարավորություններն օգտագործեն հարաբերությունների ընդլայնման նպատակով և շուտով երկու երկրների համատեղ տնտեսական հանձնաժողով կկազմվի»,- հավելել է նա՝ կոչ անելով հող պատրաստել Իրանի և Թուրքիայի համատեղ ոլորտներում ներդրումների և համատեղ նախագծերի իրականացման համար:
«Իրանը պատրաստ է ավելացնել նավթի և գազի արտահանումը Թուրքիա և աահովել երկրի պահանջմունքներն էներգետիկայի ոլորտում»,- հայտարարել է Ջահանգիրին:
Նա ասել է, որ երկրների տարածքային ամբողջականության պահպանումը, տարածաշրջանի կայունության և անվտանգության ամրապնդումը Թեհրանի և Անկարայի համատեղ նպատակներն են:
Թուրքիայի նախագահը, իր հերթին, այդ հանդիպմանը նշել է, որ Անկարան լրջորեն ձգտում է Թեհրանի հետ կապերի զարգացման բոլոր ոլորտներում:
