Լուրեր
Սեֆիլյանի ցուցակում կան Սերժ Սարգսյանի կողմից ներդրված մարդիկ․ Դավիթ Հովհաննիսյան
  • 21:04
  • 2017-10-20
  • Դիտումներ՝ *

«Ոտքի՛, Հայաստան» նախաձեռնության անդամ, քաղաքացիական ակտիվիստ Դավիթ Հովհաննիսյանի կարծիքով՝ Ժիրայր Սեֆիլյանի հրապարակած ցուցակը քաղաքական չէ, և օրակարգն էլ քաղաքական դառնալ չի կարող. «Այնտեղ կան մարդիկ, որոնք բացարձակ քաղաքականության հետ կապ չունեն։ Իմ կարծիքով՝ այնտեղ կան նաև Սերժ Սարգսյանի կողմից ներդրված մարդիկ, և ցանկացած ձևավորված օրակարգ ՍերԺ Սարգսյանը ողջունելու է։ Կա նաև մի օրակարգ, որը շատ լուրջ վերահսկում է ռեժիմը՝ խոսքը ղարաբաղյան հարցի մասին է։ Արդյո՞ք Մադրիդյան սկզբունքները սատարում են այդ ուժերը, ինչպես է այդ սկզբունքներին վերաբերում հասարակությունը։ Եթե այդ հարցը բարձրացվի՝ դիսկուրսի լուրջ հարթակ կդառնա, եթե ոչ, ապա մնացած բոլոր օրակարգերը երկրորդական են և ողջունվելու են Հանրապետական կուսակցության կողմից»,- «Առաջին լրատվական»-ի հետ զրույցում ասաց Հովհաննիսյանը։

Մեր զրուցակիցը թեպետ չի կարծում, որ Սերժ Սարգսյանը ապրիլից հետո կստանձնի վարչապետի պաշտոնը, բայց ունի մտահոգություն. «Իմ կարծիքով՝ Սերժ Սարգսյանը մինչև ապրիլ դավադիր քայլ կանի ղարաբաղյան հարցում։ Սերժ Սարգսյանը պատրաստակամություն է հայտնել իրականացնել Մադրիդյան սկզբունքները, մենք ունեցել ենք երեք նախագահ, որոնից երկուսը նման պատրաստակամություն չեն ունեցել։»

Հարցազրույցն ամբողջությամբ՝ տեսանյութում:

  • Դիտումներ՝ *