Բաքու-Թբիլիսի-Կարս երկաթուղու բացումը, որը տեղի կունենա Բաքվում հոկտեմբերի 30-ին, հանդիսանում է կարևոր իրադարձություն։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
Էրդողանի խոսքով՝ ինքն առաջին օրվանից հավատացել է այդ նախագծի իրագործման կարևորությանը։
Թուրքիայի նախագահը հատուկ կժամանի Ադրբեջան՝ մասնակցելու այդ նշանակալի իրադարձությանը։
Բաքու-Թբիլիսի-Կարս երկաթուղին կառուցվել է Ադրբեջանի, Վրաստանի և Թուրքիայի միջև կնքված միջպետական համաձայնագրի հիման վրա։ Բեռնափոխադրումների առավելագույն ծավալը կանխատեսվում է տարեկան 17 մլն տոննա։ Նախնական փուլում այդ ցուցանիշը կգտնվի 6.5 մլն տոննա բեռի և 1 մլն ուղևորի մակարդակի վրա։
