Իսպանիայի կառավարությունը հոկտեմբերի 21-ին կայանալիք նիստում մտադիր Է կիրառել երկրի Սահմանադրության 155-րդ հոդվածը, որը Կատալոնիայի ինքնավար կարգավիճակի կասեցման հնարավորություն Է նախատեսում:
Այդ մասին հայտարարել Է Իսպանիայի վարչապետ Մարիանո Ռախոյը Բրյուսելում կայացած մամուլի ասուլիսում, որտեղ նա մասնակցել Է Եվրամիության գագաթնաժողովին: Վարչապետը նշել Է, որ «Իսպանիայի Նախարարների խորհրդի կողմից 155-րդ հոդվածի կիրառման որոշումն ընդունվելու Է վաղը»: Նրա խոսքով՝ այդ հարցում առավելագույն որոշակիություն Է ձեռք բերված:
«Վաղը Նախարարների խորհուրդը կկատարի օրինական իրադրության վերականգնման իր պարտավորությունը»,-ասել Է Մարիանո Ռոխոյը: «Մենք պետք Է վերականգնենք օրինականությունը: Չպետք Է լինի տարածք, որտեղ կառավարությունը չի կատարում օրենքը»,-հավելել Է Իսպանիայի վարչապետը, հաղորդել Է ՌԻԱ Նովոստին:
