Օրերս ԱՄՆ նախագահ Դոնալդ Թրամփն ԱՄՆ առաջին տիկնոջ հետ Սպիտակ տան դիմաց հանդիպել է լրագրողների հետ:
Սակայն հանրության ուշադրությունը գրավել է ոչ թե զրույցի թեման, այլ Թրամփից քիչ հետ կանգնած Մելանիան. Twitter-ի օգտատերերը պնդում են, որ հանդիպմանը Մելանիայի նմանակն է ներկա եղել, նրա քիթը վերադիր է եղել: Այս մասին գրում է Daily mail-ը:
Կասկած է առաջացրել Մելանիայի պահվածքը. նա մեծ մուգ ակնոցով կանգնած է եղել ամուսնու կողքին՝ լուռ, միայն երբեմն գլուխն է շարժել: Թրամի կնոջ տարօրինակ պահվածքին առաջինն ուշադրություն է դարձրել դերասանուհի Անդրեա Վագներ-Բարթոնը. «Կարելի՞ է, խնդրում եմ, իսկական Մելանիան: Ինձ թվո՞ւմ է, թե՞ խոսակցության ընթացքում Մելանիայի նմանակն էր կանգնած»,- գրել է Անդրեան Facebook-ում:
Նրա հրապարակումը մոտ 100 000 անգամ է տարածվել:
Դերասանուհու խոսքերից հետո Twitter-ում նույնիսկ նմանակի էջ է հայտնվել, որի առաջին հաղորդագրության մեջ ասվում է «Երևում է՝ ինձ բացահայտել են»: