Ամերիկյան Apple-ի կապալառու ընկերության աշխատակիցները չինական Ուսի քաղաքում գործադուլ են անցկացրել՝ չվճարված հավելավճարների համար։ Այս մասին հայտնում է San Francisco Chronicle պարբերականը։
Jabil Inc ընկերության աշխատակիցների դժգոհությունն առաջացրել է 1000 դոլարի չափով խոստացված հավելավճարների չտրամադրումը։ Այդ գումարը խոստացել էին վճարել այն պայմանով, որ վարձակալված անձնակազմը աշխատի 45 օր՝ աշխատանքի անցնելու պայմանագրի ստորագրման պահից։ Նշված ժամկետի լրանալուց հետո հավելավճարները չեն վճարվել։
Apple-ում տեղյակ են ստեղծված իրավիճակի մասին և խոստացել են հետաքննել իրենց չինացի գործընկերոջ գործունեությունը։