Մոսկվայում ձերբակալվել է իր ուղևորներին թալանած տաքսիստի հայրը: Նշվում է, որ տղամարդը նույնանման հանցագործություններ է գործել: Այս մասին հայտնում է TASS-ը՝ հղում անելով աղբյուրին իրավապահ մարմիններում:
«Տղամարդը ձերբակալվել է բջային հեռախոս գողանալու համար, որը նա զոհից վերցրել է նույն միջոցով, ինչպես արել է նրա որդին, այսինքն՝ ուղևորի ջրի մեջ թունավոր նյութ է լցրել»,- ասել է գործակալության աղբյուրը: Ձերբակալության փաստը հաստատել են ՌԴ ՆԳՆ Մոսկվայի հարցերով Գլխավոր վարչության մամլո ծառայությունում:
Պարզվել է, որ տուժածը գիշերը նստել է անծանոթ մարդու ավտոմեքենան, ով երթևեկության ընթացքում նրան ջուր է առաջարկել: Մի քանի կում անելուց հետո տղամարդը կորցրել է գիտակցությունը, հետո իր տանն է ուշքի եկել: Տուժածը հայտնաբերել է, որ իր բջջային հեռախոսը կորել է: Նրա խոսքով՝ ինքը չի հիշում մեքենայից իր տուն ճանապարհը:
Կասկածյալը 53-ամյա տղամարդ է: Նրա բնակարանի խուզարկության ադյունքում հայտնաբերվել և բռնագրավվել է 20 բջջային հեռախոս, ավելի քան 190 հոգեմետ հաբ, 98 ձեռքի ժամացույց: Գողության մասին քրեական գործ է հարուցվել:
Հիշեցնենք՝ հոկտեմբերի 17-ին Մոսկվայի Օստանկինի դատարանը մինչև նոյեմբերի 30-ը կալանավորել էր ձերբակալվել էր վերոհիշյալ հայ տաքսիստի 29-ամյա տաքսիստ որդուն՝ Վահագն Կարապետյանին, ով կասկածվում է իր ուղևորների նկատմամբ իրականացված հարձակումների մեջ։
Նա հաճախորդներին հյուրասիրել է հանքային ջուր, որին նախապես խառնված է եղել ուժեղ ներգործող հոգեմետ նյութ։
Նրա դեմ առաջադրվել են «առողջությանը միտումնավոր ծանր վնաս հասցնելու և մահ պատճառելու», ինչպես նաև «առողջությանը ծանր վնաս հասցնելով ավազակային հարձակման» մեղադրանքներ։ Երկու հոդվածներով նրան սպառնում է առավելագույնը 15 տարվա ազատազրկում։
