Կառավարության շենքի մոտ կրկին բողոքի ակցիա էին իրականացնում ամուսիններ Դոնարա Դավթյանը և Լևոն Երիցյանը:
«Առաջին լրատվական»-ի հետ զրույցում նրանք նշեցին, որ տարիներ շարունակ պայքարում են, որպեսզի իրենց 40-ամյա որդին կեղծ մեղադրանքով բանտում չհայտնվի:
«2012թ.-ին Մալաթիայի շուկայից որդուս՝ Արման Երիցյանին, տարել էին ոստիկանություն, իբր ռազբոյ անելու համար, ապա գողության ու ծեծկռտուք սարքելու կասկածանքով կալանավորել, սակայն դատարանում ապացույցների, ցուցմունքների հիման վրա ապացուցվեց, որ իմ տղան նման հանցանք չի կատարել: Մոտ երկու տարի նստելուց հետո Արտակ Զախարյանը որդուս արդարացրեց՝ դատարանի դահլիճից դուրս հանեց: 50 օր հետո օրենքի կոպիտ խախտումով Հովսեփ Սարգսյանը տվել է Վերաքննիչ դատարան կեղծ հայցով՝ լոլիկի հարց է ներկայացրել, մեկ էլ գազի բալոնի: Գործը բեկանվեց, տուժողն էլ ասում է, որ նման բան չի եղել, բայց որդուս 6 տարով ուզում են ազատազրկել, գործը կրկին Մալաթիայի ՆԳՆ բաժնում է»,- շեշտեց Դոնարա Դավթյանը:
Նա ընդգծեց, որ այժմ իրենց տունը Մալաթիայի ոստիկանության աշխատակիցները դարանակալում են, բայց միևնույն է՝ ինքը որդու գտնվելու վայրը չի ասելու:
Տիկնոջ ամուսինը սպառնում էր ինքնասպան լինել, եթե շարունակեն անհիմն մեղադրել որդուն:
Մանրամասները՝ տեսանյութում: