Լուրեր
Հերմինե Նաղդալյանի ամուսինն ու ԱԱԾ աշխատակիցը իրենց «մաքրել» են, վարչապետն էլ անտարբեր է. խաբված բնակիչներ
  • 12:21
  • 2017-10-19
  • Դիտումներ՝ *

Այսօր կառավարության շենքի մոտ «Նորաշեն 2007» կոոպերատիվի կառուցած Նորաշեն 37 հասցեում գտնվող շենքի բնակիչները դարձյալ բողոքի ցույց էին անում: Կիսակառույց շենքի բնակիչների գործերը դատարանում են, սակայն, ինչպես բողոքի ցույցի մասնակիցները նշեցին՝ դատարանը գործը վաշխառուների օգտին է տանում:  Քաղաքացիները հիշեցրին, որ իրենք տուժել են ԱԺ ՀՀԿ խմբակցության պատգամավոր Հերմինե Նաղդալյանի ամուսնու՝  Դավիթ Բեգլարյանի և Ազգային անվտանգության ծառայության աշխատակիցներից մեկի՝ Գառնիկ Առաքելյանի գործունեությունից: Նրանց խոսքով՝ դատարանը մաքրել է  այս անձանց անունները:

«Մենք դիմել էինք վարչապետին, ակնկալիքներ ունեինք, բայց կառավարությունը չպատասխանեց, մեզ պատասխանեց արդարադատության նախարարությունը: Կրկին նույն պատասխանը՝ իրավասու չենք դատական պրոցեսին միջամտելու: Բայց ստացվեց այնպես, որ դատական պրոցեսին ոչ թե խառնվողներ, այլ ղեկավարողներ են եղել: Էսօր ամբողջ մեղքը բարդում են մեզ վրա, որ իբր՝ իրազեկված լինեիք»,- նշեցին բնակիչները:

 

Մանրամասները՝ տեսանյութում:

  • Դիտումներ՝ *