Եվրոպական խորհրդարանի փոխնախագահ Ռիչարդ Չառնեցկին Բրյուսելում հանդիպել է Վրաստանի արտգործնախարար Միխեիլ Ջանելիձեի հետ։ Հանդիպումից հետո Չառնեցկին հայտարարել է, որ իրենք չեն կարողանում Եվրոպայի քաղաքական ապագան պատկերացնել առանց Վրաստանի։
Նրա խոսքերով՝ Վրաստանը կարևոր տեղ է զբաղեցնում եվրոպական քաղաքական ընտանիքում, և որ Վրաստանը եվրոպական մշակույթի, պատմության ու քաղաքակրթության անքակտելի մաս է։
Չառնեցկին կարևորել է Արևելյան գործընկերության մոտեցող գագաթնաժողովից առաջ Վրաստանի պատվիրակության հետ հանդիպումներ անցկացնելը՝ քննարկելու համար գագաթնաժողովից ակնկալիքներն ու Վրաստանի հետ համագործակցության հարցերը։
Չառնեցկին կարծիք է հայտնել, որ ԱլԳ առաջիկա գագաթնաժողովը Վրաստանի ու մյուս երկրների համար կլինի եվրոպական ճանապարհին կատարած հերթական քայլ։