Հինգերորդ սերնդի F-35I կործանիչ-ռմբակոծիչը Իսրայելում ուսումնական թռիչքի ժամանակ բախվել է երկու արագիլի։ Հայտնում է The Times of Israel թերթը։
Իսրայելի պաշտպանական բանակը հայտարարել է, որ ինքնաթիռը կարողացել է նորմալ վայրէջք կատարել և չստանալ վնասվածքներ, և այնուամենայնիվ այն հանձնվել է տեխնիկներին՝ սպասարկում անցկացնելու համար։
Բանակի ներկայացուցիչը հայտնել է, որ ինքնաթիռը պետք է շարք վերադառնա առաջիկա օրերին։ Ընդգծվում է, որ Իսրայելն իր տրամադրության տակ ունի F-35I տիպի յոթ ինքնաթիռ։
Ինքնաթիռն ունի սթելս ծածկույթ և քիչ նկատելի է ռադարների համար։ Իսրայելը F-35I տիպի յուրաքանչյուր ինքնաթիռի գնման համար ծախսել է 110 միլիոն դոլար, և ծրագրել է գնել ընդհանուր 50 այդպիսի ինքնաթիռ։ Գործարքը գնահատվում է յոթ միլիարդ դոլար։