Հայաստանի և Ադրբեջանի արտգործնախարարները մոտ ժամանակներս հանդիպում կանցկացնեն Լեռնային Ղարաբաղի հակամարտության կարգավորման հարցը քննարկելու համար, հանդիպման վայրը դեռ որոշված չէ, հայտնում է «Ինտերֆաքս-Ադրբեջան»-ը:
Մոտ ժամանակներս նախատեսվում է արտգործնախարարների հանդիպում: Դեռ հայտնի չէ, թե որ քաղաքում: Այս մասին հայտարարել է Մամեդյարովը Բաքվում լեհ գործընկեր Վիտոլդ Վաշիկովսկիի հետ համատեղ մամուլի ասուլիսի ժամանակ:
Նրա խոսքով՝ բանակցությունները պետք է լինեն «ինտենսիվ և առարկայական»:
«Մենք խոսել են այդ մասին ԵԱՀԿ Մինսկի խմբի համանախագահների հետ: Նրանք ունեն մի շարք առաջարկներ: Արտգործնախարարների հանդիպման գլխավոր նպատակը կոնկրետ քննարկումներ անցկացնելն է»,- ավելացրել է նա: