Հունաստանի վարչապետ Ալեքսիս Ցիպրասը ԱՄՆ նախագահի հետ հանդիպումից հետո հայտարարել է, որ քաղաքականությունում Դոնալդ Թրամփի գործողությունները կարող են թվալ դրակոնյան, սակայն իրականում դրանք ծառայում են ի բարօրություն։
Ամերիկացի լրագրողները մամուլի ասուլիսի ժամանակ Ցիպասին հիշեցրել են նախորդ տարվա մարտին Թրամփի հնարավոր նախագահության մասին նրա արած հայտարարությունը, երբ Ցիպրասը հույս էր հայտնել, որ իրենք չեն տեսնի այդ չարիքին։
Լրագրողները Ցիպրասից հետաքրքրվել են, թե արդյոք նա չի փոխել իր այդ մոտեցումը։ Թրամփը կատակել է, որ նույնպես ցանկանում է իմանալ այդ մասին։ Ցիպրասը հայտարարել է, որ ԱՄՆ-ը չափազանց կարևոր ուժ է, և միջամտելու նրա հնարավորությունները չափազանց կարևոր են։
Ցիպրասը վստահեցրել է, որ Թրամփի հետ հանդիպումը եղել է բավական արդյունավետ, և ինքը ոչ մի վայրկյան չի զգացել, որ իրեն սպառնում են, և դեռ մի բան էլ զգացել է, որ գոյություն ունի ընդհանուր հարթակ ու մեծ հեռանկարներ։ Ցիպրասը հայտարարել է, որ իրենց հանդիպումից հետո լցված է շատ մեծ հեռատեսությամբ։