Մոսկվայի քրեակատարողական հիմնարկներից մեկում մահացել է ռուսաստանաբնակ հայ գործարար, բարերար Լևոն Հայրապետյանը:
Հիշեցնենք, որ գործարարը մեղադրվում էր Բաշկիրիայի նախկին սենատոր Իգոր Իզմեստևի մորից խարդախությամբ 700 հազար դոլար յուրացնելու մեջ։ Իզմեստևը ցմահ բանտարկված է մի քանի ծանր հանցագործությունների համար։ Ըստ նախաքննության, Հայրապետյանը խոստացել էր հիշյալ գումարի դիմաց հասնել Իզմեստևին մեղսագրվող հանցանքի թեթևացման։
2008 թվականին «Բաշնեֆտ» ընկերության վաճառքի ժամանակ ֆինանսական խարդախություն անելու մեջ կասկածվող Լևոն Հայրապետյանը ձերբակալվել, ապա կալանավորվել էր:
