«Բաց հասարակության հիմնադրամներ-Հայաստան» գրասենյակի գործադիր տնօրեն Լարիսա Մինասյանը, անդրադառնալով Հայաստան-ԵՄ Համապարփակ և ընդլայնված գործընկերության համաձայնագրի տեքստին, «Առաջին լրատվական»-ի հետ զրույցում նշեց, որ համաձայնագիրը ստորագրելուց հետո էլ մտավախություն կա, որ այն ամբողջությամբ կյանքի չի կոչվի:
Հարցին՝ արդյոք Հայաստանը, ԵԱՏՄ անդամ լինելով, կարո՞ղ է այս համաձայնագիրը ստորագրման դեպքում կյանքի կոչել, Լարիսա Մինասյանը նշեց. «ԵԱՏՄ անդամ լինելը շատ մեծ խոչընդոտ է ասոցացման պայմանագրի տնտեսական մասով լիակատար պայմանագիր ունենալու, և դա ակնհայտ է, դրա մասին խոսվում էր, ԵԱՏՄ անդամակցությունը միանշանակ վերջնական «ոչ» էր, խոչընդոտ էր՝ ստորագրելու ԵՄ ասոցացման պայմանագիրը»: Նա հավելեց, որ ԵԱՏՄ-ն ինչու չպետք է թողնի, որ մենք էֆեկտիվ պայքարենք կոռուպցիայի դեմ, եթե մենք ուզում ենք պայքարել դրա դեմ:
Լարիսա Մինասյանը նշեց, որ իշխանությունը հիմա էլ ասում է, որ մենք չենք հրաժարվել ասոցացումից, այլ ԵՄ-ն. «Եթե նման բան ենք ասում, նշանակում է՝ պետք է ընդունենք, որ բացարձակ անգրագետ ենք եղել տնտեսական տեսանկյունից, չնայած նրան, որ ասվել է՝ երկու տնտեսական միությունում դու չես կարող լինել: Հիմա ասել, որ ԵՄ-ն հետ կանգնեց Հայաստանի հետ ասոցացումից, անհարկի մանիպուլյացիա է»:
Հարցազրույցն ամբողջությամբ՝ տեսանյութում: