MySmartPrice ռեսուրսը հրապարակել է տեսանյութ, որում ցույց է տվել դեռևս պաշտոնապես չներկայացած Samsung-ի սմարթֆոնները։
Ներքին աղբյուրների հաղորդմամբ՝ Galaxy A թարմացված շարքի մեջ են ներառվել Galaxy A3 (2018), Galaxy A5 (2018) և Galaxy A7 (2018) սմարթֆոնները։ Դրանք բոլորը պետք է ստանան Infinity Display էկրաններ՝ 2160 ×1080 պիքսել կետայնությամբ և Always On Display գործառույթի աջակցությամբ։
Սպասվում է, որ Galaxy A5 և Galaxy A7 մոդելները կհանդերձվեն Exynos 7885 պրոցեսորով, 4 գբ օպերատիվ հիշողության ծավալով և 32 գբ ներկառուցված հիշողությամբ։ Galaxy A3-ի բնութագիրը հայտնի չէ։
Ներքին աղբյուրները կարծում են, որ նոր սմարթֆոնների միջև հիմնական տարբերությունը կդառնա էկրանի անկյունագիծը։ Galaxy A5-ի անկյունագիծը կկազմի 5.5 դյույմ, Galaxy A7-ինը՝ 6 դյույմ։ Երկու սարքերն էլ կլինեն մետաղական կորպուսով, կլինեն ջրից և փոշուց պաշտպանված։
Հիշատակվում է նաև առջևի կրկնակի տեսախցիկի առկայության, Samsung Pay վճարային համակարգի աջակցման և USB Type-C բնիկի առկայության մասին։ Սմաթֆոնները կաշխատեն Android 7.1.1 Nougat օպերացիոն համակարգի կառավարմամբ։