Թուրքիայի իշխանությունները ցանկություն են հայտնել Իրաքի բանակի աջակցությամբ ճզմել PKK-ի գրոհայիններին։
Թուրքիայի ԱԳՆ-ի նախաձեռնությունը նախատեսում է երկու երկրների զինված ուժերի համագործակցություն՝ զինված քրդական կազմավորումներից Իրաքի տարածքի մաքրման գործողության շրջանակում, հայտնում է RIA Novosti-ն։
Իրաքի անվտանգության հարցերով նախարարության խորհուրդը կարծում է, որ Քիրկուկ նահանգի իրաքցի քրդերը օգտվում են ոչ պետական կազմավորումների ներկայացուցիչների, մասնավորապես PKK-ի օգնությունից, ինչը կարելի է համարել պատերազմի հայտարարում մնացած իրաքցիներին։
Թուրքիայի զինված ուժերը պատրաստ են Իրաքի կառավարության հետ համագործակցության՝ վերջ դնելու իրաքյան հողերում PKK-ի ներկայությանը՝ հանուն տարածաշրջանի խաղաղության ու կայունության, ասվում է հայտարարությունում։
Փորձագետները նշում են, որ Մերձավոր Արևելքի ընթացիկ ճգնաժամը կարող է թույլ տալ Թուրքիային ուժային ճանապարհով լուծելու թուրք-քրդական հակամարտությունը, որը շարունակվում է 1984 թվականից մինչ օրս։
