Մարզերի խոշորացման հարց օրակարգում չկա: Այդ մասին «Առաջին լրատվական»-ի հետ զրույցում ասաց ՀՀ տարածքային կառավարման և զարգացման նախարարի առաջին տեղակալ Վաչե Տերտերյանը:
«Դրանք ընդամենը տեսակետներ են, տեսակետներն իրավունք ունեն լինելու, ոչ մի բան բացառված չէ: Բայց էս պահին մեր օրակարգում մարզերի խոշորացման թեմա չունենք: Եթե վերլուծեք, գույքագրեք՝ որևէ պատասխանատուի շուրթերից նման բան չեք լսել»,- շեշտեց նա:
Անդրադառնալով հարցին՝ 2018 թ-ից ինչպիսի՞ լիազորություններով պիտի աշխատեն մարզպետները, արդյոք մարզպետների ինստիտուտի վերացման խնդիր չկա, քանի որ, ըստ էության, լիազորությունները շեշտակի կրճատվում են և դրվում են խոշորացված համայնքների ղեկավարների վրա, Վաչե Տերտերյանն ասաց.
«Եթե փոխվում է իշխանության ՏԻՄ ինքնակառավարման լիազորությունների ծավալը, կփոխվի նաև մարզպետների վերահսկողական ֆունկցիաների ծավալները: Նրանց գործառույթներում, կապված խոշորացման, զարգացումների հետ, այո, բովանդակային փոփոխություններ կլինեն, ինչ-որ գործառույթներ կթուլանան, ինչ-որ գործառույթներ կուժեղանան, բայց ինստիտուտի լինել-չլինելու մասին էս պահին խոսք չկա»,- շեշտեց նա:
Մանրամասները՝ տեսանյութում:
