Իրանի նավթաարդյունահանման հարցերով նախարար Բիժան Նամդար Զանգանեն կարծում է, որ միջուկային ծրագրի վերաբերյալ ԱՄՆ նախագահ Դոնալդ Թրամփի վերջին հայտարարությունները զգալի ազդեցություն չեն ունենա նավթի շուկայի վրա։
«Ես քիչ հավանական եմ համարում, որ այդ մեկնաբանությունները որևէ որոշիչ ազդեցություն կունենան նավթի գների վրա»,-ասել է նախարարը, փոխանցում է TASS-ը։
Հիշեցնենք, որ Սպիտակ տունը հրապարակել է Իրանի վերաբերյալ նախագահի նոր ռազմավարության առանցքային կետերը, համաձայն որոնց՝ «ԱՄՆ իշխանությունները մտադիր են չեզոքացնել Իրանի կառավարության ապակայունացնող ազդեցությունն ու զսպել նրա ագրեսիան»։