«Ժողովուրդ» թերթը գրում է. ՀՀ ԱՆ «Վանաձոր» քրեակատարողական հիմնարկի պետ Գևորգ Մկրտչյանը, որ կաշառք վերցնելու կասկածանքով հոկտեմբերի 10-ին ձերբակալվել էր, երեկ արդեն կալանավորվել է: Միաժամանակ կալանքը որպես խափանման միջոց ընտրել են այս գործով անցնող մյուս պաշտոնյաների՝ ՔԿՀ պետի տեղակալ Անդրանիկ Թումանյանի, օպերատիվ բաժնի պետ Ռուբեն Կիրակոսյանի, պատասխանատու հերթապահների ու այլ պաշտոնատար անձանց նկատմամբ:
«Վանաձոր» ՔԿՀ կալանավորներից մեկը դիմում է ներկայացրել ՀՀ գլխավոր դատախազություն՝ ցանկանալով, որ ՔԿՀ պետի կալանավորման աղմկահարույց գործով իրեն որպես վկա ևս հարցաքննեն: Դատապարտյալը զանգահարել էր նաև «Ժողովուրդ»-ի խմբագրություն, և մանրամասներ հայտնել, ըստ որի՝ ՔԿՀ ղեկավարությանը հիմնական կաշառք տվողը եղել է այդ ՔԿՀ «զոն նայողը»՝ Թամազ Սերոյանը: Այդ «վճարումների» արդյունքում դատապարտյալները անարգել թղթախաղեր են կազմակերպել, մարմնավաճառներ «ընդունել», թրմանյութեր ստացել և այսպես շարունակ: Իսկ ՔԿՀ վերահսկող դատախազ Սոս Տոնոյանը, ըստ էության, լուռ հետևել է»:
Առավել մանրամասն՝ թերթի այսօրվա համարում: