Իրանի իշխանությունները կատարում են բոլոր պարտավորությունները, որոնց ստանձնել են Գործողությունների համատեղ համապարփակ պլանի շրջանակներում և որոնք ուղղված են սեփական միջուկային ծրագրի կրճատմանը։
Այդ մասին հայտարարել է ԱԷՄԳ-ի գլխավոր տնօրեն Յուկիա Ամանոն՝ ընդգծելով, որ այդ երկրի ստուգման ռեժիմն ամենահուսալին է։ Հայտնում է BBC News-ը։ Ամանոն հայտարարել է, որ ԱԷՄԳ-ի ղեկավար խորհրդին արդեն հայտնել է, որ Իրանը կատարում է իր միջուկային ծրագրի շուրջ ստանձնած պարտավորությունները։
Ավելի վաղ Սպիտակ տունը հրապարակել էր Իրանի հանդեպ ԱՄՆ նախագահ Դոնալդ Թրամփի նոր ռազմավարության առանցքային կետերը, որոնց համաձայն՝ ԱՄՆ իշխանությունները մտադիր են չեզոքացնել Իրանի կառավարության ապակայունացնող ազդեցությունն ու զսպել նրա ագրեսիան։
Ընդ որում՝ ԱՄՆ պետքարտուղար Ռեքս Թիլերսոնը չէր բացառել Իրանի հետ միջուկային գործարքից ԱՄՆ-ի դուրս գալու հնարավորությունը, եթե իրավիճակը չփոխվի դեպի լավը։