Այն բանից հետո, երբ ԱՄՆ-ը դադարեցրել է Թուրքիայի քաղաքացիներին ոչ միգրացիոն վիզաների տրամադրումը, առողջարանային Սամսուն քաղաքի վարսահարդարները արգելք են սահմանել տղամարդու սանրվածքի վրա, որը հայտնի է «ամերիկացի» անվանումով։
Այդ կերպ են վարսահարդարները որոշել աջակցել Թուրքիայի նախագահ Ռեջեփ Թայիփ Էրդողանին, փոխանցում է CNN Türk-ը։
«Քաղաքականությունը, որն ԱՄՆ-ը վարում է մեր երկրի դեմ, միանգամայն սխալ է։ Մեր նախագահը ճիշտ է անում, որ համաչափ է պատասխանում Թուրքիայի դեմ ընդունված միջոցառումներին։ Այն, որ ամերիկացի պաշտոնյաները դադարել են վիզաներ տրամադրել Թուրքիայի քաղաքացիներին, անընդունելի է։ Սամսունում ոչ մի գեղեցկության սրահ ամերիկյան սանրվածքներ չի անի»,-ասել է վարսավիր Զաբիտ Փիլանը՝ նշելով, որ իրենք առաջարկում են սանրվածքներ՝ համապատասխան իրենց մշակույթի։
Որոշ վարսավիրանոցների վրա նույնիսկ հայտնվել են հայտարարություններ. «Այստեղ ամերիկյան սանրվածքներ չեն անում»։
