Իրանի կառավարությունը դիտարկում է Օմանի ծովածոցի ափին գտնվող Ջասկ և Կասպից ծովի ափին գտնվող Նեկա նավահանգիստների միջև նավթամուղ կառուցելու հնարավորությունը: Հայտնում է haqqin.az-ը՝ վկայակոչելով իրանական Ghadir İnvestment Co. ընկերության խորհրդական Խամսարիին:
Խամսարին կարծում է, որ Իրանը շահագրգռված է այդ նախագծում Ադրբեջանի մասնակցության մեջ, քանի որ Նեկա-Ջասկ նավթամուղի նախագծի իրագործումը օգուտներ կբերի նախագծի բոլոր մասնակիցներին և կծառայի ընդհանրապես Կասպյան տարածաշրջանի տնտեսական զարգացմանը:
Նախագծով նախատեսվում է կառուցել 1460 կիլոմետր երկարությամբ և 42 դյույմ տրամագծով խողովակաշար, որի օրական հզորությունը կազմելու է մինչև 1 միլիոն բարել նավթ:
Խամսարին հայտարարել է, որ Իրանն այդ նախագծի համար ֆինանսական միջոցների փնտրտուքի մեջ է և ջանքեր է գործադրում, որպեսզի նախագծում ներգրավի միջազգային խոշոր ներդրողների:
