ՌԴ ՊՆ ներկայացուցիչ Ալեքսանդր Եմելյանովը ռուս-չինական ճեպազրույցի ժամանակ հայտարարել է, որ ԱՄՆ ՀՀՊ հզորացումը, որի հակահրթիռների քանակը 2022 թվականին կգերազանցի 1000 միավորը, սպառնալիք է ներկայացնում գլոբալ անվտանգության համար։
Նրա խոսքով՝ ԱՄՆ-ը սկսել է մշակել ակնթարթային գլոբալ հարվածի համալիրներ։
ՊՆ ներկայացուցիչը հայտնել է, որ ոչ միջուկային հանդերձման դեպքում այդ համալիրները կլուծեն այն նույն հանձնարարությունները, որոնք այսօր դրված են ռազմավարական միջուկային ուժերի վրա։
Եմելյանովը նշել է, որ դիտվում է փոխադարձ կապ ՀՀՊ համակարգերի տեղակայման պլանների և ակնթարթային գլոբալ հարվածի միջոցների ստեղծման միջև։ Նա ընդգծել է, որ ակնթարթային գլոբալ հարվածի միջոցների ստեղծմամբ Վաշինգտոնը ձգտում է կործանել ուժերի ստեղծված հաշվեկշիռը։